Psa 142 | LXX | STEP | Συνέσεως τῷ Δαυιδ ἐν τῷ εἶναι αὐτὸν ἐν τῷ σπηλαίῳ· προσευχή. φωνῇ μου πρὸς κύριον ἐκέκραξα, Φωνῇ μου πρὸς κύριον ἐδεήθην.

Psalms 142

1 ^{▼▼LXX: Psa.141:1}Συνέσεως τῷ Δαυιδ ἐν τῷ εἶναι αὐτὸν ἐν τῷ σπηλαίῳ· προσευχή. ^{▼▼LXX: Psa.141:2}φωνῇ μου πρὸς κύριον ἐκέκραξα, Φωνῇ μου πρὸς κύριον ἐδεήθην. 2 ^{▼▼LXX: Psa.141:3}ἐκχεῶ ἐναντίον αὐτοῦ τὴν δέησίν μου, τὴν θλῖψίν μου ἐνώπιον αὐτοῦ ἀπαγγελῶ. 3 ^{▼▼LXX: Psa.141:4}ἐν τῷ ἐκλείπειν ἐξ ἐμοῦ τὸ πνεῦμά μου· καὶ σὺ ἔγνως τὰς τρίβους μου ἐν ὁδῷ ταύτῃ, ᾗ ἐπορευόμην, ἔκρυψαν παγίδα μοι. 4 ^{▼▼LXX: Psa.141:5}κατενόουν εἰς τὰ δεξιὰ καὶ ἐπέβλεπον, ὅτι οὐκ ἦν ὁ ἐπιγινώσκων με· ἀπώλετο φυγὴ ἀπ' ἐμοῦ, καὶ οὐκ ἔστιν ὁ ἐκζητῶν τὴν ψυχήν μου. 5 ^{▼▼LXX: Psa.141:6}ἐκέκραξα πρὸς σέ, κύριε, εἶπα Σὺ εἶ ἡ ἐλπίς μου, μερίς μου ἐν γῇ ζώντων. 6 ^{▼▼LXX: Psa.141:7}πρόσχες πρὸς τὴν δέησίν μου, ὅτι ἐταπεινώθην σφόδρα· ῥῦσαί με, ἐκ τῶν καταδιωκόντων με ὅτι ἐκραταιώθησαν ὑπὲρ ἐμέ. 7 ^{▼▼LXX: Psa.141:8}ἐξάγαγε ἐκ φυλακῆς τὴν ψυχήν μου τοῦ ἐξομολογήσασθαι τῷ ὀνόματί σου, κύριε· ἐμὲ ὑπομενοῦσιν δίκαιοι ἕως οὗ ἀνταποδῷς μοι.